Eser: Bunda Mâdâm Aşıkân
Güfte: Şeyh Galib
Beste: Mehmet Kemiksiz
Makam: Segah
Bunda mâdâm ‘âşıkân eyler semâ’
Mâh u mihr ü âsümân eyler semâ’
Sırr-ı ‘aşk eflâki ser-gerdân edüp
Hâliyâ kevn ü mekân eyler semâ
Çeşm-i giryân gûyiyâ girdâbdır
Kef-zenân gevher-feşân eyler semâ’
Devr eder meyhâneyi muğbeççeler
Ka`be’de san hâciyân eyler semâ’
Ney safîr-i şevk urup murgân-ı kuds
Çün kebûter per-zenân eyler semâ’
Ben o Kays-ı serserî seyrim ki gâh
Başım üzre âşiyân eyler semâ’
Nûr bahş oldukça Gâlib şems-i ‘aşk
Mevlevîler zerre-sân eyler semâ’
Ziyaretçi Yorumları